Subay sa report sa Davao City Police Office, alas 11 Miyerkules sa gabii, Pebrero 18, 2026, girespundihan sa Toril Police Station ang tawag labot sa robbery hold up sa maong bakery.
Sa imbestigasyon Nasayran nga 10:30 sa gabii samtang ang
Kahera nga si alyas Nila, 22 years old, nag-ihap sa iyang halin sa dihang kalit nisulod sa establisemento ang tulo ka lalaki diin ang usa sa mga suspek nitapad sa kahera ug gitiunan ug kutsilyo dayon niingo'g “Ayaw nag palag,” hinungdan sa kahadlok sa biktima.
Pugsanong gikuha sa mga suspek ang kuwarta kantidad kapin kon kulang sa P10,000.
Human nilampos ang mga suspek, nanggawas kini dala ang nakuhang halin sa bakery.
Wa nay nahimo pa si Nila gawas na lang sa pagtawag sa iyang amo.
Sa gihimong follow-up operation sa kapulisan, nadakpan karong Huwebes sa hapon ang usa sa tulo ka suspek. Hinoon, duna na sab pangalan ang lain pang duha nga padayong gipangita.
📸 DCPO
Facebook Conversations