Dakpan ang pito ka indibidwal human nabungkag atol sa operasyon sa Philippine Drug Enforcement Agency (PDEA) , NBI, ug Task Force Davao ang giingong drug den sa Isla Verde, Barangay 23-C, Davao City.
Alas 7:25 Huwebes sa gabii, Abril 11 gikasa sa otoridad ang operasyon batok sa target nga si Alyas Wheng kinsa nakalayas human namatikdi ang pag-abot sa operating team.
Ang kauban ni Alyas Wheng nga nagpasiugda sa drug den ang nadakpan sa operasyon nailhang si Normina Pillejera Samad.
Sikop sab ang mga bisita niini nga sila Eduardo Arguelles, Junjun Ayao, Ronnel Basaldan, CJ Bulaw, Orlando Gabutero, ug Jelel Matuan.
Baynti uno ka plastic sachets sa gituhuang shabu nga gibana-banaang mutimbang sa 40 gramos nga kantidad sa P272,000, assorted drug paraphernalia, ug buy-bust marked ug boodle money ang nakuha sulod sa drug den.
Kasong paglapas sa Republic Act 9165 o ang Comprehensive Dangerous Drugs Act of 2002 giandam na batok sa mga dinakpan.
Litrato gikan sa PDEA
Facebook Conversations