Wa nay kinabuhi nga napalgan ang 55-anyos nga biktimang si Emilia Fuentes Abo-Abo, molopyo sa Burgunde St., Barangay Tacunan, Tugbok District, Davao City sa niaging gabii, Hunyo 2 sa balay niini.
Sa wa pa ang insidente Nasayran nga ang biktima uban sa suspek nga kapuyo niini ug ilang mga higala nag-inom sa construction site diin nagtrabaho ang kapuyo sa nasampit nga barangay.
Alas 7:45 sa gabii sa maong adlaw, nadungog na lamang sa mga silingan ang singgit sa babayi nga nangayog tabang.
Nakita sa silingan nga maoy nagreport sa kapulisan labot sa insidente nga dunay giguyod ang suspek sa second floor sa ilang gipuy-an.
Nikagiw gilayon ang suspek. Narekober ang kutsilyo nga posibleng gigamit sa suspetsado sa pagdunggab sa biktima.
Duha ka samad dinunggaban nahiaguman ang biktima sa iyang dughan.
Hulagway gikan sa DCPO
Facebook Conversations