Gikalot adlawng Biyernes ( Mayo 30) sa mga pulis ang patayng lawas sa tulo ka mga lalaki nga giingong mga dealers ug hybrid nga kanding nga pang-breeding human sa usa ka semana nga gikareport nga na-missing sa Shariff Saydona Mustapha, Maguindanao del Sur diin duna kunoy ka-transaksyon nga residente sa maong dapit.
Giingong gilubong ang tulo ka lalaki sa mabaw nga yuta duol sa rubber plantation sa Barangay Nabundas sa Shariff Saydona nga nakagapos sa likod ang ilang mga kamot.
Dunay mga nikatag nga istorya sa Maguindanao del Sur nga dunay ka-transaksyon ang tulo sa dihang katapusang nakita sa lugar.
Padayon pang giimbestigahan sa kapulisan ang identity sa mga biktima.
📸radyo amigo
Facebook Conversations