Patay ang usa ka alyas Jowe, 25 anyos, machine operator, 5:30 Lunes sa hapon, Pebrero 24, 2025 human giingong na-aksidente sa cutting machine sulod sa gitrabahuan niini nga junkshop sa Purok 13, Urban, Barangay Bato, Toril, Davao City.
Nasayran gikan sa pahayag ni alyas Andy, paryente sa namatay, miadto matod pa ang biktima sa junkshop ug nakigsulti kaniya. Apan paglabay sa napulo ka minutos, nananghid sumala pa ang biktima aron mokaon apan taud-taud, iya na lang nabatian nga ga-andar ang hydraulic cutting machine bisan sirado na ang junkshop.
Sa pagsusi ni Andy, nakurat na lamang kini sa dihang nakita ang biktima nga nagkadugo ug nabuwag na ang bukton gikan sa lawas.
Saysay sa asawa sa biktima nga namroblema matod iyang kapuyo tungod wala matod pa kini trabaho.
Walay nakitang foul play ang kapulisan sa kamatayon ni alyas Jowe.
📷 DCPO
Facebook Conversations