Gilusad na sa otoridad sa Governor Generoso, Davao Oriental ang search and retrieval operations human nga kini na-missing adlawng Lunes, September 16 atol sa pagkaligo’g dagat.
Ang biktima nga si Rejhun Besario, molupyo sa Tagum City, Davao del Norte uban sa lain pang siyam nangaligo’g dagat partikularmente sa Barangay Surop, Governor Generoso.
Si Besario lakip ang tulo ka mga kauban niini, giingong napadpad sa dagkong balod ug kusog nga current sa tubig. Ang tulo nasalbar pa sa mga kaubanan samtang si Besario wala na makit-i.
Nagtinabangay na ang mga personahe sa Coast Guard lakip ang Municipal Disaster Risk Reduction and Management Office (MDRRMO) aron makit-ang ang na-missing nga si Besario.
Facebook Conversations