Subay sa tahu sa Davao City Police Office (DCPO), giila ang mga nangamatay nga pulis nga sila Corporal Mark Anthony Corsino ug staff master sergeant Tito Lague.
Gawas sa duha samdan sab sa pagpanigbas ang driver sa mobile patrol nga si Donald Ombrete kinsa kritikal sud sa baytambalanan ug Corporal Ken Leo Gumanoy.
Nasayran nga igo ra kuno niresponde ang mga pulis sa tawag sa silingan sa grupo sa mga Lumad nga suspek tungod sa kasaba, apan pag-abot sa mga pulis sa lugar, kalit kini nga gipangtigbas.
Napatay sa nirespondeng mga pulis ang usa sa mga suspek samtang dakpan ang usa.
Ang napatay nga suspek nailang si Benao Maanib Landas, 29 anyos, ug resident sa Kalayaan, Sitio Pangyan, Barangay Tamugan, Marilog Dist., Davao City. Samtang dakpan si Rico Masacay, 25, ulitawo, contruction worker, ug nagpuyo sa Sitio Malikongkong, Brgy. Gumitan, Marilog District.
Pinasikad sa report, duna kunoy grupo sa mga responsableng tribo ang wa madutli ug bala sa pusil.
Facebook Conversations