Kabsan ang duha ka mga lalaki human gipamusil sa Purok 6, Barangay Upper Ulip, Monkayo Davao de Oro niadtong Enero 26,2025.
Giila ang mga biktima nga sila Jerry Jabler Rim, 48-anyos, driver, residente sa Purok Gemelina, Barangay Union ug alyas Bobong Dimple.
Nagbuy-od na Lamang nga naabtan SA kapulisan ang duha kinsa naligo sa ilang kaugalingong dugo.
Narekober sa lugar ang 357 revolver nga adunay lima ka mga bala, 13 bala sa 5.56mm, ug duha ka bala sa carbine rifle.
Lakip nakuha SA kapulisan ang upat ka pakete sa gituhuang shabu ug mga drug paraphernalia.
Sa kasamtangan nagpahigayon na og lalom nga imbestigasyon ang kapulisan kalabot sa maong panghitabo aron mailhan na ang responsable sa krimen lakip na ang motibo niini.
Facebook Conversations