Kabsan ang motor rider lakip angkas niini human nawad-ag brake ang motorsiklo busa nabangga kini sa punuan sa mangga sa Brgy. Anonang, Bansalan, Davao del Sur alas 12 pasado Sabado sa udto, Enero
Ang mga biktima nailhang sila Rondy Bonghanoy Bernales,36 years old, mag-uuma, driver sa Black Euro 150 motorcycle, ug ang angkas niini nga si Henaro Lacao Bernales, 61 years old, mag-uuma. Ang mga biktima pulos residente sa Bansalan, Davao del Sur.
Subay sa imbestigasyon sa kapulisan sa Bansalan, ang duha paingon sa Bansalan Proper aron manguhag pako apan dihang pakanaug na sa tungason nga bahin sa lugar, kalit nawad-ag brake ug nabangga kini sa punuan sa mangga.
Tungod sa kakusog, ang mga biktima nangalagpot hinungdan nga nakahiagom kini ug mga samad sa kalawasan nga nakaingon sa ilang kamatayon.
Anaa sa lokal nga punerarya ang mga biktima.
📸Bansalan PNP
Facebook Conversations