Board Members Apsay, Ramacula, adunay pamulong sa Budget Proposal ni Gov. Gonzaga

Ruth Palo

Editor

posted on 8 months ago — updated on 1 second ago

1,082
views

Nagpahayag si Board Member Herv Zamora Apsay ug Board Member John Ramacula nga ilang desisyon sa wala pag-apil sa mga special session nga patawag tungod sa ilang di-pag-uyon sa pamaagi ug katungod sa pag-file og leave isip mga trabahante sa gobyerno.

Si Board Member Apsay, sa iyang bahin, mipasabot nga iyang gitugyan na lang sa uban ang pag-take over sa session. Gipamatud-an usab niya nga sayop ang alegasyon ni Congressman Ruwel Peter Gonzaga (RPG) nga wala siya sa miaging special session tungod sa nag-basketball daw kini. Sumala ni BM Apsay, present siya sa nianang partikular ng special session, ug aproba pud sa budget nga gipropose.

Samtang si Board Member Ramacula nitambong man pero adunay pangutana kung adunay exemption gikan sa COMELEC ang budget proposal ni Governor Dorothy Gonzaga.

Sa duol na nga eleksyon, iyang gikwestyon kung nganong karon lang gipropose ang maong budget. Gamiton ba kini sa pamolitika? O nahurot na ba ang pondo sa kasamtangang tuig? Kini ang pangutana nga ilang gusto matubag aron masiguro nga matinuod ang serbisyo sa Kapitolyo para sa katawhan.