Giila ang biktima nga usa ka Dorothy Donaire Bantilan, 38 anyos ug residente sa nasangpit nga lugar.
Sumala sa taho sa Matanao Police Station, kalit lang nga misulpot ang duha ka wala mailhing mga suspetsado, sakay sa usa ka motorsiklo ug mihunong atubangan sa tindahan nga diin didto naglingkod ang biktima kauban ang iyahang anak ug mga kaliwat niini.
Masayran nga mikanaug matud pa ang angkas sa maong motorsiklo ug nagdahom lamang sila nga mupalit kini sa tindahan, apan kalit kining miti-on sa iyahang wala na mailhing armas ngadto kang Bantilan ug gipusil sa makadaghang higayon.
Nakaangkon si Bantilan ug mga samad pinusilan ngadto sa iyahang ulo ug liog nga maoy hinungdan sa iyahang hinanali nga kamatayon.
Narekober sa crime scene ang upat ka basiyo sa bala ug usa ka balinis nga gituohang gikan sa Caliber 45 nga pistola.
Padayon pa ang gihimong imbestigasyon sa kapulisan sa posibleng motibo sa maong panghitabo.
Hulagway: Matanao Municipal Police Station