Nailhan ang biktima nga si alyas Justin, 15-anyos, estudyante ug molupyo sa Kawayan Drive, Lanzona, Brgy. 74-A, Davao City. City& Local Guides
Sa inisyal nga imbestigasyon sa kapulisan, nakita sa biktima ang lalaki edad mga 14-15 anyos nga nag-bully og laing menor de edad hinungdan nga iyang gibadlong, apan niresulta sa pisikal nga away tali sa suspek ug alyas Justin.
Nidagan ang suspek apan sa iyang pagbalik, bitbit na ang pitsikorno nga gibutang sa iyang mga tudlo ug gihapsan ang tuong bahin sa abaga sa biktima ug dayong sibat, biniyaan ang pitsikorno sa lugar.
Gisapupo gilayon ang biktima sa Southern Philippines Medical Center human nakaangkon ug gasgas ug bun-og.
Padayong gisubay sa kapulisan ang insidente aron mailhan ang menor de edad nga suspek ug maresolba ang panghitabo pinaagi sa koordinasyon sa mga opisyal sa barangay sa lugar sanglit gikalambigitan kini sa mga menor de edad.
📷 DCPOÂ