Kini ang gisulti sa tigpamaba sa AFP Colonel Medel Aguilar, dungan sa pagpasabot nga di pa pinal ang desisyon sa korte nga nagbasura sa proscription sa CPP-NPA isip teroristang grupo.
Suma pa ni Aguilar, moduso ug motion for reconsideration ang gobyerno sa Department of Justice aron iapela ang hukom sa korte.
Subay matod pa sa abiso sa mga abogado, hangtod wala pay pinal nga desisyon, magpabiling in-effect ang designasyon sa CPP-NPA isip mga teroristang organisasyon ilawom sa Anti-Terrorism Act (ATA) of 2020.
Tungod niini, matod ni Aguilar dili apektado ang mga operasyon sa AFP batok sa CPP-NPA ug uban pang threat groups.
Dugang mga sundalo gipadala sa AFP alang sa counter-insurgency operations sa Luzon. Hulagway gikan sa Northern Luzon Command