Unang naaresto ang usa sa collector sa lending company nga si Nell Garciano, 40 anyos nga taga-New Matina ning dakbayan. Nadakpan si Garciano niadtong Martes sa buntag (Nobyembre 23) pinaagi sa buy-bust operation.
Nakuha gikan sa iyang posesyon ang P19,000 nga kantidad sa shabu.
Samtang, sikop usab sa Baliok Police Station ang usa ka pintor nga nailang si Elhec Rodriguez Celle, 33 anyos nga taga-Bago Aplaya. Nadakpan sa buy-bust operation si Celle niadtong Miyerkoles sa hapon sa Bago Aplaya.
Nakuha gikan kang Celle ang kantidad nga P6,000 nga shabu, cellular phone, motorsiklo, ug helmet.
Sa laing bahin, balhog usab sa kwerpo sa kapulisan ang baynte-dos anyos nga si Alyas Dol, way trabaho, ug lumulupyo sa Kilometer 13, Panacan ning syudad.
Nadakpan si alyas Dol sa mga personahe sa Sasa Police Station kagahapon bitbit ang P2,500 kantidad sa giingong shabu.
Nag-atubang ang tulonug kasong pagsupak sa Republic Act 9165 o ang Comprehensive Dangerous Drugs Act of 2002.
Hulagway: DCPO