Basi sa report ang suspek nga giilang usa ka CSO2 Jose Ariel Dela Cruz, Bureau of Corrections personnel, nakadestino sa Zone 1, Dapecol, Braulio Dujali, Davao del Norte, samtang ang biktima giila nga usa ka Janelie P Del Campo.
Nasayran nga nag uban pa ang suspek ug biktima samtang nag inum kon diin nahitabo ang panagbingkil sa duha.
Human niini nagsinguli na sila, sa dihang kalit na lamang gipusil sa suspek ang biktima igo sa ulo niini nga dayon usab gidala sa tambalanan.
Ang suspek misibat kini sakay sa iyang kotse apan nadakpan gihapon kini sa otoridad.
Narecover gikan sa suspek ang usa ka 9 mm nga pistula nga dunay 15 ka mga bala.
Ang biktima padayon pa nga gintambalan samtang suspek gidala sa kwerpo sa kapulisan. (BY TICHY NALAGON)
Hulagway: PRO 11