Kini ang gipaklaro sa direktor sa Department of Interior and Local Government (DILG) Alex Roldan sa press conference niadtong Biyernes (Nobyembre 19).
Una nang mipasar ug resolusyon ang RIATF nga nag-require sa mga border control points sa mga indibidwal nga nagikan sa gawas sa rehiyon onse nga pangayuan ug negative RT-PCR test result kung mosulod sa bisan asang lugar sa Davao Region.
Matod pa ni Roldan, gikinahanglan gihapon mupakita ug negative RT-PCR test result kung dili kini fully vaccinated.
Dugang sa opisyal, kinahanglan lamang mupakita ug vaccination card o di kaha vaccination certificate nga magpamatuod nga fully vaccinated ang usa ka indibidwal sa higayong mosulod sa mga border control points.
“We are really pushing for vaccination. The regional task force passed a resolution requiring yong mga borders to have a vaccination card nga dapat fully vaccinated siya or naa siyay vax cert bago makasulod, without that naa man gihapon tong position nga dapat naa siyay negative rt pcr,” matod pa ni Roldan.
Dugang pagpasabot sa opisyal, “Ang position sa regional IATF nga kanang gikan sa ubang regions dapat magpakita sa border ug negative rt-pcr kung wala siyay vax cert or vaccination card.”
Hulagway: Armando Fenequito Jr.