Sa press conference niadtong Biyernes (Nobyembre 19), gibutyag sa opisyal, kini pa ang ilang gipaningkamutan nga mabakunahan aron makab-ot ang target 70 percent eligible population.
Sa pagkakaron, muabot pa lamang sa 2,11,000,807 or equivalent sa 53.5 percent ang bakunado sa tibuok rehiyon.
Naglaum si Yumang nga sa ilusad nga BAYANIHAN BAKUNAHAN sa Nobyembre 29 hangtod Disyembre uno, daghan pang mabakunahan.
Dugang niini nga sa tulo ka adlaw nga BAYANIHAN BAKUNAHAN , ilang makuha ang gitarget nga 753,294 nga mabakunahan.
Anaa sa rank 9 ang Davao Region sa gidaghanon sa mga unvaccinated individuals.
“Sa ato pa di pod kaayo ta kulelat kay niabot naman ta sa 53 percent sa atong 70 percent eligible population,” matod pa ni Yumang.
Ang Davao del Sur maoy nakatala sa pinakaubos nga vaccination roll out nga duna lamay 34 percent samtang ang Davao City ang may pinakataas nga daghag nabakunahan.
Photo: News Fort