Sa report sa Catarman Municipal Police station, giila ang biktima nga si James Mahanoy, 42 anyos.
Subay sa imbestigasyon, pauli na si Mahanoy sa iya pinuy-anan sa Barangay Cawayan sakay sa iyang motorsiklo sa dihang gipusil sa wa mailhing mga suspek.
Gisapopo pa sa Northern Samar Provincial Hospital ang biktima apan gideklarang dead on arrival tungod sa igo sa ulo ug sa nagkadaiyang parte sa iyang kalawasan.
Gisusi pa sa mga kapulisan ang posibleng motibo sa pagpatay sa nahisgutang election officer.
Kahinumduman nga gitahasan sa hepe sa nasodnong kapulisan General Dionardo Carlos ang mga local area commanders nga pahugtan ang kampanya batok sa mga armadong grupo ingon man loose firearms aron masiguro ang seguridad sa umaabot nga bugnong lugaynon.