Sumala pa ni District Collector Attorney Elvira Cruz, karga sa lima ka containers nga anaa sa container yard ang mga smuggled nga pula nga sibuyas.
Ang kargamento nga gikan sa China ug naka-consign sa EMV Consumer Goods Trading, nakaabot sa Mindanao Container Terminal Sub-Port sa Tagoloan, Misamis Oriental niadtong November 13, 2021, nga gideklarang “Mantou” o mas naila isip Chinese Steamed Bun.
Sa gihimong pagsusi ni Customs Examiner Rodil Flancia, nahibaw-an nga pulos sibuyas ang unod sa container.
Kalabutan niini nagpagawas dayon ug warrant of seizure and detention ang BOC batok sa naasoyng shipment dungan ang pagpasaka ug kasong pagsupak sa Republic Act (RA ) 10863 o Customs Modernization and Tariff Act batok sa mga indibiduwal nga nagpaluyo sa maong anomalya.
File photo of BOC