Sa report nga gipadala ni Major Andrew Linao, tigpamaba sa Western Mindanao Command (WestMinCom), giila ang mga dinakpan nga sila Saokie Marakna Mala; Asnawi Musid Gontora; Ansano Musid Gontora; Jaber Dimao Mustapa; Abdul Kaher Gontora; Onaes Abdul Kader; ug Gontora Musib Agar.
Nakuha sa mga suspek ang 20 gramos nga gituhuang shabu nga mukantidad sa P136,000.
Gawas sa ilegal nga droga, nakuha usab gikan sa mga suspek ang isa ka
M14 7.62 rifle, mga magazines, bala, automatic sub-machine gun, buy-bust money, cellular phones, nagkadaiyang identification cards, timbangan, ug mga drug paraphernalia.
Nadakpan ang mga suspetsado sa hiniusang pwersa sa Philippine Drug Enforcement Agency-Lanao del Sur (PDEA-LDS), Marantao Municipal Police Station, Lanao del Sur Provincial Police Office, Bacolod Kalawi Municipal Police Station, 1st Provincial Mobile Force Company, ug 51st Infantry Battalion.
Giandam na sa Lanao del Sur Provincial Police Office ang kasong atubangon sa mga dinakpan..
“The military continues to conduct law enforcement support operations with the police and other law enforcement agencies to prevent the proliferation of illegal drugs in the province of Lanao del Sur,” sumala pa ni Lieutenant General Rosario, Jr.
Hulagway:WestMinCom