Ito'y matapos ang sunod-sunod na may nahuli sa checkpoints na nagtatangkang magpasok ng ilegal na droga sa lungsod at pati na rin sa paglabag sa Comelec Gun ban.
Nitong Lunes ng tanghali (Enero 31), nahuli sa Task Force Davao checkpoint sa Barangay Lasang ang isang 44 anyos na kinilalang si Fernando Advincula Pusta, na mula sa Mabini, Davao de Oro.
Sa report ng Task Force, nakuha umano ang sachet ng droga na pinaghihinalaang shabu na tinatayang nagkakahalaga ng P10, 000 mula sa pag-iingat ng suspect habang papasok ito sa lungsod lulan ng kanyang sasakyan.
Sumunod naman nito ang pagkahuli ng isang negosyante na kinilalang si Roberto Acapulco ng Kidapawan City, Cotabato sa boarder checkpoint nito sa Barangay Sirawan.
Nakuhaan ito ng punto 38 na revolver na nakita sa loob ng kanyang sasakyan habang papasok ito sa lungsod.
Pinuri naman ni Task Force Davao Commander Colonel Darren E. Comia ang sipag at tiyaga ng joint security forces sa checkpoints nito upang maprotektahan ang lungsod laban sa mga masasamang loob.
Patuloy rin ang panawagan ni Comia sa publiko na makipagtulungan sa security forces para sa kaligtasan ng lahat ng mga residente at bisita na nasa loob ng lungsod.
Photos from Task Force Davao
Facebook Conversations