Subay sa report sa kapulisan, nahitabo ang insidente pasado alas 7:40 sa gabii samtang nag-inom ang suspek ug giingong testigo sa prutasan sa suspek.
Miabot ang biktima aron pangitaon ang sako sa bugas nga giingong nabilin sa tindahan sa suspek.
Human niini, miduol ang suspek sa iyang Bajaj motorcycle o bao-bao, nga gisundan sa biktima.
Kalit lang nangayo og tabang ang biktima sa testigo ug miingon og, “Kol, gi-dongab ko ni Angkol.” Nakataop pa sa dughan sa biktima ang kutsilyo nga gibanabanang 11 ka pulgada ang gitas-on.
Human sa insidente, mikagiw ang suspek padulong sa Barangay Hall sa Barangay Eden, diin siya nadakpan sa mga mirespondeng pulis.
Gidala ang biktima sa medical center sa McArthur Highway, Toril Poblacion, apan gideklarang dead on arrival sa attending physician pasado alas 8:50 sa gabii.
Ang suspek ug ang kutsilyong giingong gigamit sa krimen anaa na sa kustodiya sa kapulisan. Kaso giandam na batok sa suspek.
📷 DCPO