Sa unang hugna sa distribusyon, upat ka barangay ang nakadawat sa tabang, lakip ang Concepcion nga adunay 319 ka benepisyaryo, Manan nga adunay 1,289, Salvation nga adunay 633, ug Tuboran nga adunay 1,255 ka benepisyaryo. State& Local Government
Matag benepisyaryo nakadawat ug tag-napulo kilo nga bugas.
Ang Mawab usa sa mga lugar nga napili nga makabenepisyo sa maong programa, nga nagtinguha sa pagtabang sa mga pamilyang nanginahanglan.
Nagpadayag sa ilang kalipay ug dakong pagpasalamat ang mga benepisyaryo sa nadawat nga tabang.
Gipangunahan nila Mayor Myrill Apit ug Vice Mayor Engr. Ramil Medina ang programa, nga nagpakita sa padayong paningkamot sa lokal nga panggamhanan sa paghatag og suporta sa mga pamilyang Mawabnon.
Magpadayon ang distribusyon hangtod mahatagan ang tanang 11 ka barangay sa lungsod sa Mawab. State& Local Government