Ang biktima, dead on the spot human nakahiagom ug igo sa bala sa ulo ug lawas. Samdan sab ang iyang live-in partner.
Subay sa imbestigasyon, alas 3 sa kadlawon sa dihang gipusil ang duha atol sa pagparada niini sa ilang sakyanan atubangan sa giarkilahang balay.
Nikanaug ang lalaki aron abrihan ang gate sa dihang kalit nisulpot ang riding-in-tandem ug gipamusil.
Suma sa tag-iya sa balay, bag-o ra nibalhin ang mga biktima.
Giimbestigahan pa ang insidente, lakip sab ang pag-ila sa mga suspek ug ang motibo sa krimen.
Kalakip sa giimbestigahan ang posibilidad nga dunay kalambigitan sa negosyong buy-and-sell o sa iyang pagka-political vlogger.