Gikumpirna ni Police Lieutenant Colonel Irish Herzon Parangan, chief of Police sa Pantukan atol sa press conference ang pagkasikop sa mga suspek atol sa follow-up operation ning Biyernes sa buntag, Hunyo 16.
Ang tirador nga si alyas Frank, 35 ug alyas Boy, ang driver sa Mini van nga gisakyan sa mga suspek ang unang nadakpan sa kapulisan. Duna pay laing duha ka suspek ang gipangita sa otoridad.
Gani sigon sa tahu, ang usa sa nadakpang suspek, Nakahimo pa sa pag-hostage sa iyang anak dungan sa pagdakop sa mga pulis.
Gibutyag ni Parangan nga ang biktimang si Bruce gipusil, 200 to 300 metros ang gilay-on gikan sa gym kung asa gihimo ang graduation.
Pasakay na ang biktima kuyog ang iyang pamilya sa ilang service nga mini van sa dihang nahitabo ang insidente.
Hinoon “stable” na ang kahimtang sa biktima human nakaangkon ug upat ka samad pinusilan sa nagkadaiyang parte sa lawas.
Love triangle ang gilantaw nga motibo sa pagpamusil.
Narekober sa kapulisan ang caliber 45 nga gigamit sa pagpamusil ingon man ang sakyanan nga gigamit isip get-away vehicle.
Screenshot The Mindanet Balita/FB