Nasuta sa imbestigasyon nga ang 9mm Glock, service firearm matod pa sa babayeng pulis nga na-assign sa PRO-8, samtang ang .38 caliber revolver, gipanag-iyahan sa usa ka private security agency sa Cebu.
Padayong gisuta sa mga awtoridad kung paunsa naadto ang mga baril sa mga menor de edad ug kung duna pay nalambigit sa insidente.
Anaa na sa kustodiya sa kapulisan ang duha ka suspek. .
Gikumpirma sa PNP, gibutang na sa restrictive custody sa PRO-8 ang policewoman kinsa iyaan sa 14-anyos nga suspek nga giingong tag-iya sa pusil nga gigamit sa pagpamusil sa mga estudyante.
Muabot matod pa sa 40 basyo sa bala ang napalgan sa kapulisan sa pipila ka bahin sa San Jose National High School diin nahitabo ang insidente.
Nakakambyo pa matod pa ug magazine ang suspek nga indikasyong kamao kini mugamit ug pusil.
Nauna nang gibutyag sa kapulisan nga school bullying ang usa sa gilantaw nga motibo sa krimen.
Sa inisyal nga tahu, tulo ang namatay samtang lima ang samdan.