Basi sa report sa Digos Police, naila ang suspetsado nga usa ka Rasul Largo Janalan, 24 anyos, naay kapuyo ug residente sa Purok sentinial, Brgy Tiguman, Digos City.
Nasayran nga miresponde ang kapulisan sa usa ka gikataho nga tulis sa Luna Extension Brgy. Zone 3,siyudad sa Digos, apan samtang anaa sila sa maong lugar, laing report ilang nadawat nga kasamtangang dunay tulis ang nahitabo usab sa Luna Extension, Brgy. San Miguel, Digos City.
Gilayon nga gisubay sa kapulisan ang insidente, ug pag abot sa lugar nasayran sa kapulisan nga ginagukod sa mga tao ang suspetsado.
Mitabang dayon ang otoridad sa paggukod sa suspek, hangtud madisgrasya ang suspek sakay sa motor niini hinungdan nga nadakpan.
Nakuha gikan sa posisyon niini ang iyang motorsiklo,helmet sling bag, cash nga nagkantidad ug P 5,064 , usa ka kolintas, kutsilyo ug duha ka pawn papers.
Gilayon nga gidala sa kapulisan ang suspek aron mapasakaan ug kaso. (BY RICHY NALAGON)
Hulagway:Digos PNP