Unang girespundihan sa Bunawan Police Station ang reklamo ni alyas Vanessa human kini nagtawag sa Central 911 nga kuno gitulis siya sa mga nakamotorsiklo nga suspek samtang naglakaw pauli sa ilang balay.
Sa iyang saysay sa kapulisan, suma ni Vanessa gisundan siya sa lalaking naka-blue og helmet ug gitionan ug kutsilyo daypn gikuha ang iyang wallet nga dunay sulod nga P7, 000. Paspas kuno nga nisibat ang mga suspek sakay sa motorsiklo nga naghulat.
Tungod niini, paspas nga naglusad og hot pursuit operation ang kapulisan aron dakpon ang giingong mga suspek. Apan sa gihimong backtracking sa mga pulis sa CCTV footage sa entrance ug exit points sa mga tulisan, nahibaw-an ng way nakitang riding in tandem nga nitukma sa gihulagway ni alyas Vanessa.
Apan sa dihang gisukit-sukit na sa kapulisan si Vanessa, miangkon kini nga wala siya gitulis. Iya matod pa nabuhat ang pagpamakak tungod nahadlok siya nga mahibaw-an sa iyang bana nga nagasto na ang P6,000.
📷 DCPO
📸 DCPO