Giila sa Bansalan Police Station ang namatay nga Ginang nga si Ginalyn Loquenario, samtang samdan ang drayber sa motorsiklo nga si Wilfredo Loquenario, ug duha pa ka mga angkas nga sila Nina Faith Loquenario, 9-anyos ug igsoong si Fiona, saes anyos. Pulos residente ang mga biktima sa Old Balatukan, Makilala, North Cotabato.
Subay sa imbestigasyon sa kapulisan, ang mga biktima nga sakay sa motorsiklo kansang direksyon paingon sa Makilala, North Cotabato, giingong nabanggaan sa usa ka Toyota Fortuner nga gimaneho sa usa ka Edward Harvey Juezan Perez, 49-anyos ug lumulopyo sa Pantukan, Davao de Oro.
Paspas nga gisapopo ang mga biktima sa Viacrusis Medical Hospital, apan dead on arrival na sa bay tambalanan si Ginalyn.
Kasamtangang tanggong sa prisuhan ang suspek nga drayber lakip na usab ang gimaneho niining sakyanan.
Hulagway: Bansalan Municipal Police Station