Nailhan ang biktima nga si alyas Rodin, 41 anyos, residente sa Lower Sirib Calinan, Davao City.
Ang biktima gisulod sa iyang gitrabahuan sa suspek nga naka-helmet pa.
Paspas nga nisibat ang suspek sakay sa iyang motorsiklo human sa pagpamusil. Samtang gidala dayon sa ospital ang biktima.
Subay sa imbestigasyon sa Kapulisan, giingong dumot sa 'road right of way' ang usa sa motibo sa krimen.
Nadakpan hinoon sa mga pulis ang suspek nga si alyas Arnel, 37 anyos ug silingan ra's biktima.
Nakuhaan ang suspek ug .45 pistol nga adunay mga bala.
Nasayran nga girentahan lamang ni Arnel ang motorsiklo nga alegasyong gigamit sa pagpamusil.
Kasong murder ug paglapas sa Republic Act 10591 o Comprehensive law on firearms and ammunitions ang atubangon ni Arnel.
📷 DCPO