Ang mga biktima mao sila Jennifer, 54-anyos ug ang namatay nga anak nga si alyas Jeric, 35-anyos, mag-uuma.
Sa imbestigasyon sa Marilog PNP, gisaysay sa testigo nga sa dihang iyang nadungog ang paka-paka sa pusil, iyang giadtoan ang lugar ug nakita ang duha ka mga lalaki gikan nga nagdali sa pagsibat padulong sa balay sa usa ka alyas Jay-R. Iyang nakita ang iyang inahan nga si Jennifer ug igsuon nga si Jeric nga nahagba na sa yuta nga pulos samdan.
Gideklarang patay si Jeric pag-abot sa Robillo Hospital alas 9:20 sa gabii sa maong adlaw tungod sa nagkadaiyang samad sa lawas. Samtang si Jennifer, nakahiagom og mga samad sa tiyan ug tuong paa, Hinoon anaa na sa maayong kahimtang.
Saysay ni Jennifer nga pauli na sila sa ilang balay uban ang anak, kalit sila gipamusil sa duha ka mga lalaki nga sila alyas Jun, kinsa maoy namusil, ug alyas Jay-R.
Si Jay-R nadakpan atol sabpursuit operation sa kapulisan.
Padayon pang gipangita si alyas Jun.
Narekober gikan sa nahitaboan ang lima ka basiyo sa bala sa gituohang 99mm pistol.
Nasayran Suma ni Captain Hazel Caballero, tigpamaba sa Davao City Police Office nga mag-bayaw ra ang mga biktima ug suspek ug silingan ra sab. Lantugi sa yuta ang gilantaw nga motibo.
📷DCPO