Suma ni NBI Director Atty. Melvin Matibag, iyang gipasipot ang mga nahisgutan sa adlaw'ng Miyerkules sunod semana.
Gitahasan matod pa ang NBI sa Office of the Ombudsman nga imbestigahan ang alegasyon sa mga kanhi sundalo, lakip ang ilang identity, background ug kredibilidad.
Una nang giawhag ni Matibag si Atty. Levi Baligod nga boluntaryong isumite ngadto kanila ang affidavit sa mga ex-Marines.
Giklaro ni Matibag nga ebidensya ang direksyon sa imbestigasyon ug wala kini intensyong balewalaon o i-discredit ang expose' sa kanhi mga sundalo.
Sa alegasyon sa mga kanhi miyembro sa Philippine Marines, nag-deliver matod pa sila ug kapin P800 billion sa mga opisyal sa gobyerno Kalakip na sila Pangulong Marcos ug kanhi House Speaker Martin Romualdez sukad 2022 hangtod 2025.