Basi sa report sa kapulisan nga usa ka barangay opisyal sa lugar ang nagpahibalo kanila kalabot sa maong insidente.
Dali dayon, miresponde ang mga otoridad ug giila ang mga biktima nga sila,Isabelita Carbonilla, 60 anyos, Presidente sa Purok sa maong dapit ug bana niini nga si Juanito Carbonilla,61 anyos.
Nasayran nga nagatan aw ang mga biktima ug telebisyon sulod sa ilang panimalay, dihang kalit misulod ang tulo ka tao, sa ilang panimalay dayon pamulong ngadto sa mga biktima ug "unsa man kwarta o kinabuhi".
Gumikan niini gitunol sa biktimang si Juanito ang kwarta nga nagkantidad ug sais mil ka pesos ngadto sa mga suspetsado.
Apan bisan pa man niini ang mga suspetsado mipusil pa sa mga biktima nga na igo sa nagkalain laing parte sa ilang lawas.
Ang maong pagpamusil ang miresulta sa kamatayon ni Isabelita samtang gidala sa tambalanan ang bana niini nga si Juanito.
Narekober sa lugar nga nahitabuan ang mga bala ug basiyo sa kalibre 45 nga pistula.
Sa pagkakaron padayon pa nga gina imbestigahan sa kapulisan ang maong insidente, aron masayran kinsa ang mga nagbuhat niini.(BY RICHY NALAGON)
Hulagway: PRO 11