Nailhan ang suspek nga si alyas Russel, molupyo sa Purok 4-B, Brgy. 23-C, Isla Verde, Davao City samtang ang biktima usa ka Kinder 2 nga bata nagpuyo gihapon sa maong dapit.
Subay sa report sa Davao City Police Office, giubanan sa 31-anyos nga inahan ang iyang anak sa police station aron ipatala ang insidente.
Reklamo sa inahan nga giduot-duot sa suspek ang iyang kinatawo sa pusod nga bahin sa biktima makaduha ka higayon.
Tungod sa maong insidente, ang biktima nakasinati og "mental anguish" ug "emotional distress."
Ang suspek, giendosar sa Mobile 15 sa Sta. Ana Police Station nga dunay mga bun-og sa lawas human suma pa nakulatahan sa usa ka tambay nga nakasaksi sa insidente.
Kasamtangang gipailawom ang bata sa psychological evaluation sa Southern Philippines Medical Center.
Ang suspek gipasakahan ug kasong Acts of Lasciviousness pinaagi sa inquest proceedings.