Ang sibilyan nailhanng si Sheila Mae Dinaonao, samtang ang tulo ka pulis mao sila Police Captain Edrohil Cimafranca, Police Senior Master Sergeant Tristan Chua, ug Patrolman Rey Albert Temblor.
Sa inisyal nga imbestigasyon sa Police Regional Office – Negros Island Region (PRO-NIR), unang gipusil sa suspek nga si Police Staff Sergeant Bonifacio Sayco sa Sibulan Munisipal Police Station ang babaye sulod sa usa ka resto bar.
Ang Insidente Gilayong girespundihan sa tulo pulis ug gi-aresto ang suspek nga si Sayco.
Apan samtang padulong na sila sa police station, giingong gipusil ni Sayco ang tulo ka kaubang pulis sulod sa sakyanan.
Human niini, nisibat ang suspek, apan boluntaryong mi-surrender alas-10:40 sa gabii sa Tanjay City Police Station.
Anaa na sa kustodiya sa kapulisan ang suspek samtang kasong kriminal ug administration gihikay na.
Apan sigun sa saysay sa pipila ka indibidwal, nasayran nga ang tulo ka pulis nga nangamatay ug ang suspek nag-uban Matod pa sila'g inom sa bar.
Gikuyugan matod pa sa tulo ka pulis ang suspek aron ihatod sa Police Station human niini gipusil ang babaye, apan sila na nuon ang gipamusil sulod sa sakyanan.
📸NORPPO