Subay sa report, gisilbihan ang mga suspek ug search warrant tungod sa paglapas sa Republic Act 10591 o illegal possession of firearms nga gi-isyu ni Judge Rowena M. Apao-Adlawan sa 11th Judicial Region, Davao City batok kang alyas Rey-rey, 40 anyos, jobless ug residente sa maong dapit. Apan atol sa implementasyon sa mga operatiba, dinhi nahitabo ang komprontasyon uban sa mga kauban ni ReyRey.
Samdan sa walang batiis si Patrolman Geordy Fiel sa Special Action Company atol sa bakbakanay. Nakahimo pa si ReyRey ug labay ug granada punterya sa assaulting operatives. Maayo na lang wa nakabuto ang granada.
Unang nadakpan sa operasyon sila: Rizalde alyas ReyRey ug Diosdado,40 years old, ug residente sa Purok 3, Salooban, Bunawan, Davao City.
Samtang nadakpan sab sa SWAT Team ang upqt ka mga kauban ni Reyrey nga mao sila Reynante , 50 years old, minyo ug residente sa Purok 3, Salooban, Bunawan, Davao City; Marknel , 28 years old; Philip , 24 years old, nagpuyo sa Purok 10, Lanzones, Bunawan; ug Jay-Ar , 34 years old.
Nakuha gikan kanila ang caliber .22 firearm without serial number; Armscor Model 30, 12-gauge shotgun; 9mm UZI with magazine loaded with three pieces of 9mm live ammunition; ug .357 revolver without serial number.
Suma ni Captain Hazel Caballero, tigpamaba sa Davao City Police Office Nga si Reyrey, kumbiktado sa paghupot ug illegal nga armas ug explosibo sa Davao Penal Colony (DaPeCol) ug nakagawas niadtong Setyembre 2025 human sa pito ka tuig nga napriso. Dugang ni Caballero nga ang mga kauban ni Reyrey nalambigit sab sa pagpayuhot ug illegal nga droga.
Samtang anaa na sab sa luwas nga kahimtang ang pulis nga nasamdan.
Mag-atubang ug kaso ang Mga nadakpan ug pagsupak sa10591 ug RA 9516, Frustrated Murder ug Attempted Murder.
📷DCPO