Kini human natala ang 33,169 sa mga bag-ong COVID-19 nga mas taas sa kapin kuwatro mil nga natala kagahapon nga 28,707.
Natala usab ang pinakataas nga positivity-rate nga 46.0% karong Lunes.
Tungod sa bag-ong numero, miabot na sa 2,998,530 ang kinatibuk-ang ihap sa mga nataptan sa COVID-19 sa tibuok nasod.
Gikan sa maong ihap, anaa sa 157,526 ang mga nagpaayo pa sa sakit o mga aktibong kaso.
Natala usab sa DOH sa 3,725 ang recoveries kung itandi sa 2,579 nga mga nagmaayo kagahapon.
Sa kinatibuk-an, misaka na sa 2,788,711 ang mga nagmaayo sa nasod sukad nagsugod ang pandemya.
Samtang duna na usay nadugang nga 145 ang namatay karong Lunes, kung diin ang total death sa tibuok nasod, misaka na sa 52,293.
Duna pay napulo ka laboratoryo ang wala pa nakasumite sa ilang datos sa COVID Documents Repository System.
Hulagway sa mga Dabawenyo nga nagpaabot sa ilang torno nga mabakunahan sulod sa SM City Davao sa may dalang Ecoland.