Giila sa Davao City Police Office (DCPO) ang dinakpan nga si alyas Jade, estudyante ug molopyo sa Magsaysay, Carmen, Davao del Norte.
Sa report sa DCPO, samtang niagi sa checkpoint ang suspek, namatikdan sa TF Davao personnel nga dili mahimutang samtang paingon ibutang ang iyang bag sa x-ray scanner. Apan nabantayan ni CAFGU Active Auxiliary Salem ang pagkahulog sa usa ka sachet nga gihulagway nga white crystalline substance.
Dinhi na gialerto ni CAA Salem ang naka-duty nga police ug sa pagsitak, samot nga wa mahimutang si alyas Jade.
Nabulabog pa ang daghang mga gituohang binalot nga shabu nga giipit sa iyang hawak human gimanduan nga ipataas ang suot nga sweater.
Nakuha gikan kang Jade ang P3,757,000 nga nagkadaiyang pakete sa gituhuang shabu. Mag-atubang kininug kasong paglapas sa Republic Act 9165 kon Comprehensive Dangerous Drugs Act.
📷 DCPO