Sigon sa report sa Davao City Police Office, gisurrender sa babaye, molopyo sa Padre Faura St., Jacinto, Barangay 32-D ang maong mga items nga iyang nakit-an sud sa boarding house sa iyang uyab sa Datu Bago, Brgy. 5-A, Davao City.
Ang uyab sa 19 anyos, Nasayrang nadakpan sa checkpoint sa Purok 26, Malagamot Road, Brgy. Panacan, niadtong Septyembre 9.
Anaa na sa puder sa kapulisan ang 17 ka bloke sa gituohang dahon sa marijuana nga may fruiting tops, duha ka rolled packaging tape sa alegasyong Marijuana, 104 ka selyadong green cellophanes nga marijuana, 50 nagkadaiyang flavor sa disposable vape nga gituohang dunay marijuana juice, 12 ka assorted flavor sa disposable vapes nga gisulod sa usa ka plastic bag, ug mga container boxes.
Kantidad sa P12-milyones ang gi-surrender nga mga marijuana nga Gibana-banaang mutimbang sa 23 kilos ug mga paraphernalia.
📷 DCPO