Subay sa report sa Davao City Fire District, apektado sa sunog ang 22 ka pamilya o 30 ka indibidwal.
Sa 22 nga naugdaw, 16 ang totally damaged samtang 6 ang partially damaged.
Niresponde sa sunog alas 2:40 sa kadlawon ang kabumberuhan gikan sa S.I.R Alpha, Bangoy Alpha
Auxiliary - Central 911, Brgy. Bucana, Brgy. Talomo Proper, Brgy. Matina Aplaya, ug Brgy. Matina crossing, lakip ang ambulansya sa Central 911.
Niabot sa halos usa ka oras ayha hingpit nakontrola ang sunog ug way gikatahung naangol o namatay.
Mubalor sa P150,000 ang nahimong damyos sa sunog.
Niadtong Biyernes, Agosto 29 naugdaw sab ang duha ka andana nga apartment sa Pag-asa Street, Brgy 25-C , Davao city.