SIKYU NGA NAKATULOG, NASUDLA'G KAWATAN ANG GIBANTAYANG ESTABLISEMENTO; SUSPEK DAKPAN
Igo na lang gipukaw ang usa ka security guard human NASUDLA'G kawatan ang GIBANTAYANG establisemento niini sa Juna Subdivision, Quimpo Boulevard, Davao City.
Basi sa report sa Davao City Police Office, girespondihan sa mobile patrol sa Davao City Police Office ang tawag sa usa ka stay-in employee sa 267 Asian Hybrid Seed Technologies, Incorporated sa maong dapit tungod sa suspetsadong kawatan nga nisulod.
Suma ni alyas Jon, nakamata siya alas 2 sa sayong buntag sa dihang nakabati ug kasikas sulod sa gambalay partikular sa kisame busa iyang gipukaw ang guwardiya, sa ilang pagsusi, ilang nakita ang suspek nga anaa sa kisame ug ila kining gitambagan nga mukanaug.
Apan sa dihang nikanaug, nahulog kini ug maayo na lang nga wa naunsa.
Nahagbong sab ang mga gamit nga gituhuang gikawat niini sama sa laptop bag nga dunay sulod nga
android cellular phone, computer mouse, 2 laptops, ug mga laptop chargers.
Ang suspek nailhang si Joemel, 19, residente sa Block 7 Lot 15, Banana Street, Ulha Village, Ulas, Davao City.
Ang suspek naa na sa kustodiya sa kapulisan.