Ang suspek nga si alyas Mulot, 40-anyos, PUJ driver, molopyo sa Buhangin, Davao City nadakpan human nga naaktuhan sa hot pursuit operation nga ginabaligya sa online ang alegasyong kinawat nga motor, Hulyo 17, 2025.
Laing tulo pa ka mga giingong kinawat nga motorsiklo ang nakuha sa iyang possession.
Pinasikad sa report Talomo Police Station, nakadawat sila og reklamo gikan kay alyas Meldy labot sa pagkawala sa ilang Suzuki Raider sa parking area sa Bangkal.
Tungod niini, Paspas nga nagpakatag ug hulagway ug timailhan sa motor ang mga otoridad ug alas-11 Huwebes sa buntag, Hulyo 17 mitimbre ang Buhangin Police Station nga nakita kini nga ginabaligya sa social media.
Pinaagi sa joint operation sa TALOMO, Buhangin Police, uban ang City Intelligence Unit (CIU) ilang natultulan ang lokasyon sa motorsiklo.
Tuod man, ilang natultulan si alyas Mulot sa usa ka subdivision sa Cabantian lakip ang nawalang motor.
Sa gihimong interogasyon, gitug-an sab ang suspek ang lain pang tulo ka mga motorsiklo nga iyang gipangkawat busa na-recover sab kini sa Tibungco.
Ginasuta pa sa kapulisan kinsa ang mga nanag-iya sa mga motorsiklo.
📷 DCPO