Ang suspek nailhang si alyas Rante, 42-anyos, molopyo sa Purok 2, Mohon, Barangay Langub.
Si Rante nadakpan sa gilusad nga hot pursuit operations alas 10:45 sa gabii.
Nasayrang nakalalis ni Rante tungod lang sa trapiko ang biktimang si alyas Rondo 22-anyos, taxi driver nga taga-Barangay Bago Oshiro.
Nag-viral sa social media ang hitabo human nga nakuhaan sa usa ka netizens ug video ang insidente diin Saysay niini nga nagkabangi ang duha ka mga driver gikan pa sa 711 duol sa Matina Aplaya bridge, ug nag-abot sa Matina Crossing.
Giablihan sa suspek ang pultahan sa taxi, iyang gibunlot ug giguyod ang taxi driver ug dayon gidunggab.
Gani nabuhian pa kuno sa suspek ang kutsilyo, ayha nisibat.
Sigon sa suspek, napungot siya sa dihang giingnan siya'g bugo sa biktima sanglit sa bike lane siya miagi.
Narekober sa kapulisan ang motorsiklong Honda XRM gigamit sa suspek, half scissor blade ug samtang ang laing katunga niini nakuha sa crime scene.
Ipailawom sa inquest proceedings ang pagpasaka sa kasong frustrated murder batok sa HABAL-HABAL driver.
📷DCPO