Nasayran sa report sa Toril Police Station, nalambigit sa aksidente ang usa ka single motorcycle nga XR 200, nga gimaneho 14-anyos, molopyo sa Barangay Bayabas Toril.
Giila ang biktima nga si alyas Glaceria, taga-Upper Piedad, Barangay Bato.
Galawig matod pa ang motor sa Upper Piedad, Barangay Bato, paingon sa Lantaw Banod apan pag-abot sa nahitabuan, nabanggaan niini ang biktimang pedestrian nga patabok sa karsada.
Tungod sa kakusog sa bangga, nalagpot si Lola ug nabunal sa sementadong karsada miresulta sa grabeng samad ug bun-og sa nagkadaiyang bahin sa iyang lawas nahiaguman.
Alas 7:30 sa gabii sa dihang Gideklarang patay ang biktima sa ospital.
Basi sa pahayag sa tigpamaba sa Davao City Police Office Captain Hazel Tuazon, di na matod pa mupasaka ug kaso ang pamilya ni Lola human nisaad nga abagahon sa pamilya sa suspek ang tanang galastuhan.
Nakatakda sab nga i-turnover ang menor de edad sa DSWD human nga magpermahanay atubangan uban sa abogado.
📸DCPO