Unang nakadawat ang Coast Guard IGACOS ug report alas-5 sa hapon labot sa paglangoy ni alyas Leah busa dali sila nga nihimo’g search operation.
Nasayran sa report sa Coast Guard nga ang babaye, molupyo sa Barangay Panyalom sa Paquibato District, Davao City ug giingong nihawa sa iyang trabaho isip house helper.
Sa iyang paglangoy, gisagubang niini ang kusog nga balod ug sulog sa Pakiputan Channel.
Luya na kini nga nakaabot sa Samal busa gidala dayon kini sa Coast Guard Sub-Station Caliclic diin siya gihatagan og pagkaon ug gipaubos sa pag-atiman sa City Social Service Department Office sa IGACOS.
Suma pa ni Ensign Vasit Venturillo, Coast Guard commander sa IGACOS nga 9:45 sa gabii, Sabado ilang na-turnover si Leah sa CSSDO Samal..
📸CGSIGACOS/Vasit Venturillo