Sa nadawat nga report ni Marantan, napatay ang biktima human kini gipusil sa wa mailhing suspek samtang GAMANEHO sa iyang sakyanan sa Purok 4A, Phase 1, Grand Meadows, Brgy. Batangan, Valencia City, Bukidnon, alas 2 sa hapon, Marso 25, 2025.
Ang biktima nailhang si Franklin Sebullen Buac, 48 anyos, minyo, ug residente sa Purok 4, Brgy. Tabid, Ozamiz City, Misamis Occidental.
Si Buac, giingong sub-contractor sa DITO tower, nga aktibo sa mga proyekto sa telecommunications infrastructure sa rehiyon.
Nasayran sa Valencia city Police Station, sakay ang biktima sa itom nga Toyota Innova dihang gipadaplin sa duha ka wala mailhing armadong tawo.
Kalit nga gipusil ang biktima kinsa nakaangkon og daghang samad pinusilan sa nagkadaiyang parte sa lawas.
Gidala pa kini sa Adventist Medical Hospital, apan na Kabsan kini sa kinabuhi tungod sa grabeng samad nga naangkon.
Ang mga suspek sakay sa itom-brown nga Toyota Vios, Daling nisibat human sa krimen.
Sa Pakighinabi kang Marantan Miyerkules sa hapon, gibutyag niini nga si Buac maoy usa sa upat nga nag-finance sa PAGTULIS sa Pawnshop ug nagsilbing financier sa Tolentino Robbery group nga mao sab ang Gitudlong responsable sa pagpanulis sa nagkadaiyang branches sa LBC.
Usa sa mga suspek sa pagpanulis, nadakpan sa kapulisan pipila ka oras human sa nahitabong tulis.
📷Panguil Bay Journal