Sa ulahing report sa Talomo Police, Nasayran nga usa ka alyas Botyok, usa ka negosyante nga taga-Placer, Surigao del Norte ang giingon ug gitudlo sa mga witnesses nga maoy nag-fireworks sa Phase 1, Block 4, NHA Bangkal, Davao City.
Tungod wa lung-i sa mga imbestigador nga mapatubag sa salaod ang suspek, Porsigido kini nga dunay makuhang testigos.
Tuod man, usa ka 50-anyos ug 64-anyos nga residente sa lugar ang nihatag ug testimonya sa mga imbestigador labot sa ilang nahibaw-an sa hitabo.
"According to the witnesses, at around 12:50 AM on January 1, 2025, the suspect, later identified as "Botyok," a businessman from Placer Poblacion, Surigao del Norte, was observed carrying a backpack to the riprap area. He subsequently ignited what was later identified as a pyrotechnic device, causing a fireworks display. Witnesses further stated that they had attempted to discourage the suspect from proceeding but were unsuccessful," kabahin sa report sa Talomo PNP.
Suma sa testigo, gibisitahan matod pa sa suspek nga si Botyok ang iyang balay sa maong lugar niadtong Disyembre 31 aron magsaulog sa New Year, apan sigon sa usa ka witness, wa siya magdahum nga duna diay dala nga fireworks si Botyok.
Ang pahayag sa mga testigos, nagtugma sa mga ebedensya nga unang nahipos sa mga kapulisan gikan sa lugar hain gihimo ang fireworks.
Nakatakdang pasakahan ug kaso si Botyok nga Paglapas sa City Ordinance No. 060-02 Series of 2002.
Suma pa sa tigpamaba sa Davao City Police, Captain Hazel Tuazon, pagka-buntag sa Enero 1 nisibat na si Botyok sa iyang balay.
📷Talomo PNP/DCPO