Subay sa FB post sa Davao Running Community, nakita sa post, anaa sa picture si First District Councilor Bernie Al-ag kuyog ang asawa niini ug uban pang mga hikers.
Ang maong original post deleted na apan dunay screenshot sa hulagway.
Andam ra ang News Fort sa tubag ni Councilor Bernie Al-Ag bahin niini.
——————————————+++—++-+——————————+++++++++
Ania ang mulo sa Barangay council sa Barangay Tagurano, Toril District, Davao City.
Sukad Mayo 7, 2024, gi issue ug gipatuman sa Department of Environment and Natural Resources ang Cease and Desist Order alang sa Tagurano Upland. Ang Barangay Council sa Tagurano mituman ug naningkamot nga dili mapasakaan ug pasudlan ang Tagurano Upland sa bisan kinsang hiker/ trekker/ mountaineer tungod sa maong order nga gipagawas sa maong ahensya.
Apan karung adlawa, dako ang pagkadismaya ug pagkabalaka sa barangay council ug residente sa barangay Tagurano nga usa sa mga opisyal sa dakbayan sa Dabaw misupak sa maong order. Misaka kini sa Battlefield ug wala naminaw sa pahimangno sa Purok Leader nga nakig-istorya kanila. Kini nga opisyal adunay mga kauban nga hiker ug kini wala nakig-istorya sa barangay bago miadto sa area.
Ang tumong namo niining among pagpahibalo kay ang pag-awhag sa katawhan nga ang barangay wala’y gipili nga tao nga pasakahon sa Tagurano Upland. Ma opisyal man o ordinaryo nga tao, gibawalan ug wala gitugutan nga musaka sa masking asa nga area.
Ang Tagurano Council, dako ang respeto sa tanang tao nga mubisita sa barangay kay malipay kaayo me nga kamo makita kung unsa kanindot ang among barangay bisan pa man nga layo kini sa siyudad.
Sa pagkakaron, ginapaningkamutan sa Tagurano Barangay Council, City Tourism ug inubanan sa paggiya sa opisina sa atong mayor nga ma-legal ang hiking/ trekking activities sa atong barangay.
Busa kami muhangyo usab kaninyong tanan nga MUTUMAN UG RESPETOHON NATO ANG BALAOD, OPSIYAL, UG RESIDENTE SA BARANGAY. Dili usa ta magbuot-buot ug maginahi sa atong mga ulo.
Tanang lakang nga gibuhat sa barangay, para sa kaayuhan sa tanan. Kung kamo naay mga reklamo, IPAABOT SA BARANGAY ug ipaagi sa tamang proseso. Ang barangay kay abri sa tanang mga tao ug bisita nga gusto makig-istorya sa opisyal sa barangay.
Daghang salamat ug dalaygon ang Diyos.