Basi sa kamanduan gikan sa Police Regional Office (PRO) 11 penetsahan Mayo 22, gituboy isip officer-in-charge si Colonel Rolindo Suguilon, kasamtangang deputy regional director for operations (DRDO) sa PRO 11.
Sumala pa ni Major Catherine dela Rey, tigpamaba sa PRO 11, magpabiling DRDO si Suguilon samtang dugang trabaho niini ang iyang responsibilidad isip acting DCPO chief.
Marso 22 ning tuiga sa dihang milingkod isip city director si Bad-ang. Kini ang adlaw diin gideklara ni Mayor Sebastian Duterte ang war on drugs human nakaabot sa mayor ang grabeng paghitak sa illegal nga droga sa pipila ka barangay sa Davao City.
Human gideklara ang pakiggiyera batok droga, pito ka indibidwal nga nalambigit sa ilegal nga droga ang napatay sulod lang sa pila ka adlaw.
Sumala pa ni Dela Rey, girelieve sa pwesto si Bad-ang kini aron malikayan nga ma-impluwensyahan matod pa niini ang nagpadayong imbestigasyon sa Regional Internal Affairs Service (RIAS) sa walo ka mga pulis nga una nang gi-relieve sa ilang duty nga maoy nag-operate sa buy-bust diin napatay ang pito ka indibidwal human giingong nisukol sa mga otoridad.
Duha ka bulan ug usa ka adlaw lang nahimong direktor si Bad-ang sa DCPO.
Hinoon, sumala pa ni Dela Rey, temporary relieve lang si Bad-ang samtang nagpadayon ang imbestigasyon.