Dakpan sa mga personahe sa City Drug Enforcement Unit ug sa mga sakop PDEA apil na sa Davao Del sur Provincial Mobile Force Company ilalom sa pagpamuno ni Lt. Col. Hamlet Lerios ang usa ka notadong tulak sa druga sa probinsya sa Davao del sur gabie sa Nobyembre 9,2021 sa Chapter 4, Brgy. Aplaya siyudad sa Digos.
Basi sa report giila ang dinakpan nga usa ka alias Gaw 34 anyos, dunay kapuyo ug residente sa maong lugar.
Nakuha gikan sa posisyon niini ang 3.16 gramos nga gituhuang shabu nga nagkantidad ug P47,000 apil na ang marked money nga kinse mil ka pesos.
Nakuhaan usab ug usa ka kalibre 38 nga revolver ang dinakpan nga dunay unom ka mga buhing bala. Ang dinakpan apil na ang mga ebedensya nga gidala sa kwerpo sa kapulisan aron sa pagpasaka ug kaso subay sa salaod nga iyang nahimo.
Hulagway:Digos PNP